कोरोना संक्रमणका कारण मृत्यु हुनेको संख्या झण्डै ११ लाख पुग्यो, ७० हजारको अवस्था गम्भिर

विश्वभर कोरोना भाइरस (कोभिड १९) संक्रमणका कारण मृत्यु हुनेको संख्या ११ लाख पुग्न लागेको छ । वल्डोमिटरका अनुसार यो समाचार तयार गर्दा सम्म कोरोना भाईरस (कोभिड १९) को संक्रमणका कारण १० लाख ९६ हजार ८७६ बढिको मृत्यु भैसकेको छ । ३ करोड ८७ लाख ४३ हजार बढि मानिसहरु भने यस भाइरसबाट संक्रमित भएका छन् ।
हालसम्म २ करोड ९१ लाख २३ हजार बढि मानिसहरु संक्रमणमुक्त भएका छन् भने, ८५ लाख २३ हजार बढिको उपचार भैरहेको छ । उनिहरु मध्ये ७० हजार ४ सय बढिको अवस्था गम्भिर रहेको छ । ८४ लाख ५३ हजार बढिको अवस्था भने सामान्य रहेको वल्डो मिटरले जनाएको छ ।
हालसम्म सवैभन्दा धेरै अमेरीका, भारत र ब्राजिल यस भाइरसबाट प्रभावित भएका छन् । चिनको वुहानबाट सुरु भएको कोरोना भाईरस अहिले विश्वका २१५ देशमा फैलिएको छ ।