आज विश्व शिक्षक दिवस नेपालका शिक्षक तथा उनिहरु आवद्ध संघ संगठन र सरोकारवालाहरुले विभिन्न कार्यक्रम गरि मनाउदैछन् । यसवर्ष दिवसको नारा “शिक्षकहरु संकटमा अग्रणी, भविष्यको पुर्नविचार” भन्ने तय गरिएको छ । युनेस्को, युनिसेफ, अन्तर्राष्ट्रिय श्रम संगठन र शिक्षा अन्तर्राष्ट्रियको साझेदारीमा युनेस्कोले शिक्षकको काममा ध्यान केन्द्रित गर्न यो दिवस मनाउन थालिएको हो ।
प्रत्येक वर्षको अक्टोबर ५ तारिकमा यो लिवस मनाउने गरिएको छ । यसवर्ष भने यो दिवस सप्ताहव्यापी रुपमा मनाउने तयारी गरिएको छ । अन्तर्राष्ट्रिय शिक्षक दिवस अक्टुबर १२ मा संयुक्त विश्व शिक्षक दिवस र मोबाइल लर्निङ हप्तासत्रको साथ समाप्त हुनेछ । यस कार्यक्रमले कोरोना संक्रमणका बखत शिक्षकहरूको पेशेवर विकास र मार्गनिर्देशन सीपको लागि प्रविधिको नवीनतम प्रयोगहरूमा ध्यान केन्द्रित गर्ने विश्वास लिईएको छ । यसवर्ष तय गरिएको दिवसको नाराले कोरोना महामारीका बेला शिक्षकहरुको भुमिका स्पष्ट पार्ने छ ।
http://googlepokhara-com.stackstaging.com/covid-world-news-7/
संयुक्त राष्ट्रसंघ र राष्ट्रसंघीय शैक्षिक, वैज्ञानिक तथा सांस्कृतिक संघ युनेस्कोको एक विज्ञप्तिमा भनिएको छ, “शिक्षक नेतृत्वको मुद्दा केवल समय मै छैन, तर शिक्षकले दुर्गम शिक्षा प्रदान गर्न, कमजोर जनसंख्यालाई समर्थन गर्न, विद्यालयहरू पुनः खोल्न र शिक्षाको अन्तरहरू सुनिश्चित गर्नका लागि गरेको योगदानको सन्दर्भमा महत्वपूर्ण छ । विश्व शिक्षक दिवसका छलफलहरूले लचिलोपन निर्माण गर्ने, शिक्षा र शिक्षण पेशाको भविष्यलाई आकार दिन शिक्षकहरूको भूमिकालाई पनि सम्बोधन गर्नेछ ।”
युनेस्कोका अनुसार यस दिवसले उपलब्धिहरूको तथ्यांक लिन र विश्वव्यापी शिक्षा लक्ष्यहरूको प्राप्तिमा शिक्षकहरूको भूमिका र शिक्षकहरूको भूमिकाको बारेमा जागरूकता जगाउन अवसर प्रदान गरेको छ ।
